BEJO organizas la unuan renkontiĝon de brazilaj esperantistaj junuloj

Brazila Esperantista Junulara Organizo malfermis la aliĝoperiodon por la Unua Renkontiĝo de Brazilaj Esperantistaj Junuloj. La tiel nomata Nova 2010 okazos en la urbo Charqueada, en Ŝtato São Paulo, de la 5-a ĝis la 9-a de januaro. Laŭ notico publikigita en la esperantista gazetaro, la evento sekvos la modelon de eŭropaj junularaj aranĝoj. Pliajn detalojn ĉe la adreso www.bejo.esperanto.org.br.

LBV eldonas novan numeron de Bona Volo

Esperantisto August Kilgilt, el Estonujo, fariĝis esperantisto kaj diskoniganto de la verko de Allan Kardek pere de Esperanto

Ĵomart kaj Nataŝa publikigis la kompaktan diskon Ĵomart’s Studio

En la 22-a de novembro okazos la Esperantista Renkontiĝo de la Okcidenta Regiono de Rio-de-Ĵanejro

Spiritismo alvenas al Estonujo pere de Esperanto

Pli kaj pli esperanto helpas la disvastigadon de la konsolanta mesaĝo de la Spiritisma Doktrino. Spiritismo alvenas al Estonujo pere de esperanto. La esperantisto August Kilgilt ellaboris hejmpaĝon cele al la diskonigado de la verko kodigita de Allan Kardec. La tekstoj, skribitaj en la tiea idiomo, estis tradukitaj de libroj publikigitaj en esperanto en Brazilo. Krom la kvin fundamentaj verkoj de Kardec, la vizitonto disponigas de artikoloj kaj ligiloj al paĝoj de brazilaj spiritismaj institucioj, kiuj pritraktas esperanton, ekzemple Edonejo Lorenz. La adreso de la hejmpaĝo estas www.spiritism.ee.

Cento da homoj partoprenas de regiona Esperanto-kongreso en Brazilo

De la 10-a ĝis la 12-a de oktobro okazis en la urbo Baŭru la 4-a Esperanto-kongreso de Ŝtato São Paulo. Ĉirkaŭ 110 homoj partoprenis. Ĉeestis ne nur kongresanoj el Ŝtato São Paulo, sed ankaŭ el Minas Gerais, Rio Grande do Sul, Paraná kaj Rio-de-Ĵanejro. La loka gazetaro publikigis raportojn pri la evento. En la venonta jaro la kongreso okazos en la urbo Piracicaba.

Vinilkosmo eldonas novajn diskojn

La esperantista diskoeldonejo Vinilkosmo anoncis la eldonon de novaj titoloj. Gesinjoroj Ĵomart kaj Nataŝa publikigis la kompaktan diskon Ĵomart’s Studio. La paro ankaŭ disvastigas la unuan KD-n de sia filino, Carina. La ensemblo Kaj Tiel Plu propagandas sian novan verkon. La grupo Espo-Despo promesas epokofari per novaj muzikaj teknikoj. La direktoro de Vinilkosmo, Floreal Martorell, vetas la sukceson de la unua disko de Kapriol kaj Tone. La tuta katalogo de la esperantista diskoeldonejo troviĝas ĉe la adreso www.vinilkosmo.com.

UEA disponigas filmojn ĉe interreto

Universala Esperanto-asocio disponigis pli da aŭdovidaj materialoj ĉe interreto. Krom la televidĵurnalon UEA Viva, la institucio prezentas arkivajn filmojn. Temas pri dokumentaj kaj informaj filmoj koncerne al esperantistaj eventoj, kiuj okazis laŭlonge de la 20-a jarcento. Elstariĝas la raporto pri la universala kongreso de 1987, omaĝe al la centjariĝo de esperanto. La filmoj estas videblaj ĉe la hejmpaĝoj YouTube kaj Ipernity.

150-jariĝo de Zamenhof estos temo de esperantista renkontiĝo en Rio-de-Ĵanejro

En la 22-a de novembro okazos la Esperantista Renkontiĝo de la Okcidenta Regiono de Rio-de-Ĵanejro. La ĉefa temos estos la 150-jariĝo de Lazaro Ludoviko Zamenhof. La aranĝo havos lokon en la kvartalo Bangu. La programaro etendiĝos de la 10-a ĝis la 17-a horo. Detalojn per la retpoŝta adreso Este endereço de e-mail está protegido contra spambots. Você deve habilitar o JavaScript para visualizá-lo. .

Gaŭcha Esperanto-asocio havas novan estraron

Gaŭcha Esperanto-asocio havas novan estraron. Reinaldo Zaghetto estis eletika la nova prezidanto. Olavo Faustino estas la vic-prezidanto. César Dorneles Soares kaj Marilia Marques Rocha estas, respektive, la unua kaj la dua sekretarioj. La sidejo de Gaŭcha Esperanto-asocio troviĝas en Rua dos Andradas, 1251 – sala 101, en la urbocentro de Porto Alegre.

LBV eldonas novan numeron de Bona Volo

Legio de Bona Volo publikigis la 65-an numeron de la revuo Bona Volo. La ĉefa artikolo pritraktas la 150-jariĝon de Lazaro Ludoviko Zamenhof. Elstariĝas ankaŭ la raporto pri la partopreno de LBV en la ĵus finiĝinta Universala Kongreso de Esperanto kaj la artikolo verkita de Paiva Netto pri la internacia financa krizo. Bona Volo legeblas senpage ĉe la adreso www.boavontade.com.

Reprezentanto de UEA vizitis Kubon

Universala Esperanto-asocio sendis reprezentanton al Kubo. La sekretario Clay Magalhães vizitis la ĉefurbon, Havano, por oficiale komenci la preparajn laborojn de la venonta UK. Magalhães kunsidis kun la estroj de la kuba esperantista movado kaj inspektis kelkajn lokojn, kie okazos la evento. La tiea gazetaro sciigis la publikon pri la vizito. Oni kunvokis gazetaran konferencon. Aliaj informoj troveblas ĉe la adreso www.esperanto-cuba.org.

Infanoj de lernejo de Braziljo kantas esperante dum 12a ERT

Ge-sroj Grattapaglia parolas al itala esperantisto Maurelli, kiu partoprenis en la evento

Grupo Nova Era kantas esperante

Je la 20-a de Septembro, 157 homoj estis en la Auditorio de la Pioniroj lokita ĉe la konstruaĵo de la urbestrejo cele partopreni en la 12-a ERT (Esperanta Renkontiĝo de Taguatinga). La temo estis: 150 jaroj de la naskiĝtago de Ludoviko Lazaro Zamenhof. Taguatinga estas unu el la satelitaj urboj de Braziljo, la ĉefurbo de Brazilo.

Pri la temo prelegis la instruistino Úrsula Grattapaglia, direktorino de la Bienlernejo BONA ESPERO (Alto Paraíso, GOIÁS).

Kadre de la arta parto sin prezentis diversajn partoprenantojn: gelernantoj de la Lernejo Chico Xavier (pron.: Ŝiko Ŝavier’) kun la instruistino Maria Eurípedes de Queiróz; pedagogia skipo kaj gelernantoj de la porinfana lernejo Ludoviko Lazaro Zamenhof; kantisto kaj gitaristo Euzébio Carvalho Lopes; kantisto komponisto kaj muzikisto Flávio Fonseca kaj la knabina kantistino Klara Fonseca. Agis kiel cerimoniestro S-ro João Osvaldo Pestana. La sona disaŭdigo zorgis la S-ro Ney Milhomem.

La aranĝo havis ankaŭ la ĉeeston de la itala esperantisto Francesco Maurelli, unua premiito de la Oratora Konkurso de la 95-a UK kaj vicprezidanto de TEVA – Tutmonda Esperantista Vegetarana Asocio. Li rapide prelegis pri la TEVA-fako.

Ordinare ERT omaĝas iun, kiu, laŭ opinio de TEK, elstariĝis en la loka esperanta agado. La ĉifoja omaĝito estis Carlos Maria, kiu ricevis Laŭmeritan Honoran Diplomon sekve de la konstanta apogo donita al la Esperanto-movado de Taguatinga kaj ĉirkaŭaĵo.

Je la aranĝo-fino, estis lotitaj diversaj esperantaĵoj nome: libroj, kompaktdiskoj, kaskedoj, ĉemizoj, ktp.

Sekve de ĉi tiu aranĝo, la ĉefa gazeto de Braziljo CORREIO BRAZILIENSE publikigis preskaŭ tutpaĝan priesperantan raporton, kiu legeblas ĉe la retadresoj: (ligilo)

Je tagmeze finiĝis la renkontiĝon kaj ĉiuj estis invititaj partopreni la 13-an ERT-on okazonta la 19-an de septembro 2010.
Fotoj de la 12-a ERT videblas ĉe la reto (ligilo).

Informis: Evandro Avellar - Prezidanto de Taguatinga Esperanto-Klubo

Forpasis la 18an de septembro 2009 la esperantistino Marija Pozder Almada, el la urbo Santos/SP, post plurmonata enhospitaliĝo pro Cerbo-Vaskula Afekcio (CVA) kiun ŝi suferis en februaro ĉi-jara.  La estraro de EASP, nome de ĉiuj membroj, kondolencas la familianojn kaj amikojn pro la forpaso de la kara idealisto kaj disvastiganto de Esperanto.

Marija Pozder Almada, plej konata kiel Maria Almada, estis vidvino de Francisco Almada, kun kiu edziniĝis en 1962. Ŝi naskiĝis en Hungario, kaj tie eklernis esperanton. En Britio, okaze de Universala Kongreso de Esperanto, ŝi konis sian edzon kaj poste transloĝiĝis al Brazilo. Ŝi kunhelpis en la gvidado de la tiama Brazila Konsilataro de Esperanto, kies monatan informilon ŝi mem redaktis. Kiel pentristo aliĝinta al la faka delegitaro de Universala Esperanto-Asocio (UEA), ŝi fondis en 1978 la fakan organizon UALE (Universala Artista Ligo de Esperantistoj), kiu aktivis dum pli ol 20 jaroj. Ŝi estis membro de Esperanto-Asocio de Sanpaulo (EASP) ekde 1962, en kies estraro ŝi multfoje kaj diverspostene partoprenis laulonge de sia esperantista vivo. Kiel ano de la numa estraro de EASP, ŝi rolis kiel konsilanto. Pro siaj aktivadoj favoraj al Esperanto, ŝi fariĝis honora membro de BEL (2005 ) kaj de EASP (2006).

fonto: José Roberto Tenório (kke-diskutlisto)