|
Esperanto por lernejaj klasoj |
 |
 |
 |
|
Escrito por Redakcio
|
|
Dom, 30 de Agosto de 2009 09:04 |
|
Kovrilo de la libro Esperanto
por Lernejaj Klasoj
|
|
Jozias kaj sia filino |
Lanĉita en Brazilo kaj en Eŭropo nova lernolibro de Esperanto
Okaze de la 44-a Brazila Kongreso de Esperanto, en Juiz de Fora kaj de la 94-a Universala Kongreso de Esperanto, en Bialystok, en Pollando estis sukcese lanĉita la lernolibro Esperanto por Lernejaj Klasoj de la brazila instruisto Profesoro Josias Barboza, publikigita de Eldonejo Unio Planeda kaj de Brazila Esperanto-Ligo.
La kompleto konsistas el kvar libroj (volumoj 1 kaj 2 porlernantaj kaj du manlibroj por la instruistoj), kaj du koncernaj sondiskoj. Krome estas helpa teko, disponebla por instruistoj en www.lernejajklasoj.net por senpaga elŝuto kaj lauplaĉa modifo aŭ preta uzado.
Pli ol 170 ekzempleroj de la unua volumo, rapide vendiĝis aŭ estis strategie disdonitaj al landaj esperanto-asocioj kaj al edukaj instancoj de esperanto por recenzo kaj diskonigo.
Tiu sukcesa distribuado estis konsekvenco de la favoraj recensoj faritaj de Prof. D-ro Katalin Kovats por ILEI-Internacia Ligo de Esperantistaj Instruistoj, de ILEI-BR, de Prof. D-ro Renato Corsetti de la Akademio de Esperanto, de Profesoro Paulo Nascentes kaj de la prelegoj kaj personaj kontaktoj faritaj de la aŭtoro, dum tiuj esperanto-eventoj.
La semo por la popularigo de la nova lernolibro de esperanto estis lanĉita interalie je la fekunda grundo de la esperantaj edukaj instancoj de diversaj landoj, laŭnome: Brazilo, Ĉinujo, Francujo, Germanujo, Hungarujo, Japanujo, Italujo, Litovujo, Nederlando, Pollando kaj Svisujo.
La dua volumo laŭplane publikiĝos ĉijare.
Unio Planeda kaj Brazila Esperanto-Ligo tre ĝojas pro la sukcesa lanĉo de sia plia kontribuaĵo al la pliatigo de la nivelo de la esperanto instruado en Brazilo kaj en la tuta mondo.
|
|
Última atualização em Dom, 30 de Agosto de 2009 17:37 |
